Taiwanimiut imminnut namminersortuuneraraluartut qeqertaq taanna Kinamut ilaasutut Kinamiunit isigineqarpoq.

Pelosip assuarineqartumik Taiwanimiinnermini nunami tassani præsidenti oqalugiarfigigaa

USA-mi Repræsentanternes Husip siulittaasuata Taiwanimut tikeraarnera, Taiwanip Kinallu arlalitsigut niueqatigiikkunnaarnerannik kinguneqassagunarpoq.

USA-mi Repræsentanternes Husep siulittaasua, Nancy Pelosi, Taiwanimut ippassaq marlunngornermi tikippoq. Tamannalu Kinamiunit assut ajorineqarpoq.

Taiwanimiummi imminnut namminersortuuneraraluartut qeqertaq taanna Kinamut ilaasutut Kinamiunit isigineqarpoq.

AAMMA ATUARUK Qeqertaaqqap aaqqiagiinngissutaasup eqqaani Filippinerit Kina inatsisaatsuliorneraraat

Nancy Pelosip Taiwanip inatsisartuini eqqissineq qulequtaralugu oqalugiareerami, Taiwanip præsidentia arnaq Tsai Ing-wen ataatsimeeqatigaa. Pelosip Taiwanimiinnermini inuit pisinnaatitaaffii pillugit suliniuteqartut aamma naapippai.

Pelosip Taiwanimut tikeraarnera peqqutigalugu Kinap naatitanik Taiwanimit pisisarnini Taiwanimullu sioqqanik niueruteqartarnini unitsikkai qeqertamullu qanittumi Kinamiut sakkutuui ippassarli sungiusalersimasut, nutaarsiassaqartitsivik Reuters allappoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl