Ateq: Pele Broberg
Partii: Partii Naleraq
Ukiut: 46-t
Ilinniagaq/suliffik: Inatsisartoq, Timmisartortartoq, HD Nunat allat niueqatiginerat
Inuttut inissisimaneq (ilaquttat/qitornat): Nuliara Malene Broberg marlunnik meeraqarfiga.
Sunngiffimmi soqutigisat: Timersorneq, Crossfit
Folketingimut qinigaassaguit pingaarnertut sulissutigerusutatit pingasut suuppat?
1. Niuerneq pitsaanerusoq inuussutissalerinerup aqutsisoqarfiup ataaniittut aammalu nunanut allanut tunngassuteqartut.
Kalaallit Nunaat nunanit allanit ullumikkut toqqaannartumik niueqateqarsinnaanngilaq, Inuussutissalerinermut aqutsisoqarfik suli suliaqarsimanngimmat avammut niuernermik akuersissutissanik certifikatinik Nunanut allanut sullissiveqarfik suleqatigalugu.
2. Ullutsinni allaffissornikkut periuseqarluni iliuuseqartarneq pisariusuuvoq nuna allamiut timmisartuussinissaannut nunatsinnut nunatsinniillu taamatullu Kalaallit Nunatta iluani. Tamanna allanngortittariaqarpoq, angalanermi billetsit iluaqutaanerusumik akikinnerulernerisigut.
3. Ataavartumik ineriartorneq qulakkeertariaqarpoq, aningaasaliinerit ilanngullugit, akisussaaffeqarfiit naalaagaaffimmit ingerlanneqartut Kalaallit Nunaat sinnerlugu.
Kalaallit Danmarkimi najugaqartut pitsaasumik inuuneqarnissaat qanoq ilillutit qulakkeerinneqataaffigisinnaaviuk?
Qulakkeerinninnianngilanga. Kalaallit Nunaani qinersisartunut attuumassuteqanngilaq.
Folketingimut qinigaassaguit statsministerissatut sassartoq sorleq tapersersussaviuk?
Tamanna qinersinerup kingorna aalangerneqassaaq, inuttut pissarsiffiuinnarniutitut pissaaneqarnerniaannarlunilu inissiffissaanani.
Partii Naleqqap Inatsisartuutitai qanimut suleqatigalugit aaliangigassaavoq, Folketingimi suliaq Inatsisartuni suliaasunut pingaaruteqaqimmat.
Partiilersornani isummersitsinissaq partiit allat aamma ilanngunneqarnissaat suliaassaaq.
Statsministeritut tapersersugassaq nunatsinnut ineriartortitserusuttuusariaqarpoq, nunap inui aallaavigalugit.
Taamaammat Lars Løkke Rasmussenip toqqannginnissaa pissusissamisuussaaq.