Pedro Sanchez Spaniami ministeriuninngoqqittoq
![](/sites/default/files/styles/image_934x467/public/article_images/20200107-155339-l-1920x1342we.jpg?itok=8Z8cOiOE)
Sanchez, socialdemokratiusoq, inatsisartuni amerlanerussuteqaqqalaarluni 167-init tapersersorneqarpoq, 165-it akerliusut. Ilaasortat akornanni 18-it taaseqataanngillat.
Sanchez inatsisartuni sapaatiummat taasisoqarnerani akuersissutigineqanngilaq, Spaniamimi inatsisartuni 350-iusuni amerlanerussuteqarniaraanni 176-init taaguunneqarnissaq piumasaqaataavoq.
AAMMA ATUARUK Spaniami socialdemokraatit saamerliillu naalakkersuisooqatigiinniartut
Ministeriunerugallartorli 47-nik ukiulik inatsisartuni nutaamik taasisoqarnerani ullumi periarfissinneqaqqippoq.
Taasinermimi tassani amerlanerussuteqarnissaa taamaallaat piumasaqaataavoq, tassa akuersisut itigartitsisunit amerlanerunissaat.
Cataloniami partii, ERC, Sanchezip tassani isumaqatigiissusiorfigisimavaa, ERC sinnerlugu ilaasortat taaseqataannginnissaat qulakkeersimallugu.
Spaniamili naalakkersuisut Madrimeersut Cataloniamilu naalakkersuisut Barcelonameersut isumaqatigiinniartussanngorput.