Paul Okalik siulittaasuujunnaarsinnaavoq
Nunavummi naalakkersuisunik sapaatip akunnerani uani toqqaasoqassaaq.
Nunavummi naalakkersuisut siulittaasuat, Paul Okaliup, naalakkersuisunik nutaanik sapaatip akunnerani uani pilersitsisoqalerpat
naalakkersuisunut siulittaasuuinnarnissani naatsorsuutigisinnaanngilaa.
Allattoq Jaaku Lyberth
Nunavummi qinersisartut nutarterisoqarnissaa kissaatigaat, naalakkersuisunullu ilaasortaasimasut sisamat, qinersisoqarmat qinigaaqqinngitsoorput.
Paul Okalik siulittaasutut atorfimminit nammineq aamma peersitaangajavippoq, aviisili Nunavut News naapertorlugu, Iqaluit borgmesteriannit, Elisabee Sheutiapikimit, 44-innarnik amerlanerusunit qinerneqarnermigut inatsisartuni ilaasortatut qinerneqarpoq.
Paul Okaliup saniatigut maannamut naalakkersuisuusunit Louis Tapardjuk kisimi inatsisartuni qinerneqarpoq.