Pasineqartup misissorneqarnera naammassivoq
Angut inuusuttoq taanna Risskovimi eqqarsartaatsimikkut innarluuteqartut qaammatini arlalinni immikkoortortaqarfianiitinneqarnerani misissorneqarnera marsip ulluisa 18-ianni nalunaarusiornermik inerneqarpoq, taama Politiassessor Henrik Pass Radioaviisimut oqarpoq.
Louise Hegelund siorna februaarip ulluisa pingajuanni savimmik kapineqarluni toqunneqarpoq. Inuup sananeqaataanik ilisarnaatit toqutsiffiusumi apriilip qaammataani nassaarineqarmata, angut 19-inik ukiulik juunip qaammataani politiinit tigusarineqarpoq. toqutsisimasutullu pasineqarluni.
Angutip eqqarsartaatsimigut misissorneqarneranit nalunaarusiaq, Danmarkimi nakorsat eqqartuussinermi siunersiortagaasartuinit (retslægeråd-init) qaammatip tulliuttup ingerlanerani nalilersorneqassaaq. Nalilersuinermi paasinarsissaaq angut eqqartuussaassanersoq. Angut nunatsinnut utertinneqareerpoq.
