Partiit siuttui ajuusaarput tunuarniuteqarnerli pissusissamisoorsoraat
Pisimasup avaanngunartullu oqallisigineqarnera eqqarsaatigalugu, isumaqarpugut pissusissamisoorluinnartoq, nammineq tunuarniarluni toqqarsimammagu, tamanna allaqqussinnaajunnaarami, Kuupik Kleist Inuit Ataqatigiit siulittasua oqarpoq.
Unnerluussissummik saqqummiussisoqanngikkaluartoq aammalu eqqartuussisoqanngikkaluartoq tunuarniuteqarneq taamaattoq pissusissamisoortuuvoq, Kuupik Kleist oqarpoq.
Demokraatit siulittaasuat Per Berthelsen oqarpoq, Inatsisartut siulittaasuata Jonathan Motzfeldtip tunuarniuteqarnera tassatuaasoq eqqortumik iliorneq. Hr. Jonathan Motzfeldt tassaavoq avammut demokrati aallaavigalugu ilisartitsisartut kiinnertartut qullersaat Per Berthelsen oqarpoq. Misissuinerup ingerlanneqarnerani siulittaasup tunuarallarnera eqqortutut Per Berthelsenimit nalilerneqarpoq.
Inuit Ataqatigiit kina inatsisartuni siulittaasussatut siunnersuutiginiarnerlugu aalajangereerlutik oqarput, tamannali aatsaat ullumi aqaguluunniit nalunaarutiginiarpaat.
Jonathan Motzfeldt Inatsisartuni ilaasortaaginnassaaq aamma Namminersorneq pillugu Isumalioqatigiissitami siulittaasuuginnarnissaa naatsorsuutigineqarpoq.
