Partiit ilisaritinneri unnugu aallartissapput
Inatsisartunut qinersinissamut atatillugu partiit ilisaritinneri apeqqarissaarfigineqarnerilu unnugu aallartissapput.
Allattoq Elisa Isaksen
Unnugu arfininngornermi arfineq-pingasunut siulliullutik ilisaritissapput Atassut kingornatigullu apeqqarissaarfigineqassallutik. Ulluni tulliuttuni partiit sinneri ilisaritissapput. Aqagu sapaammi Demokraatit ilisaritissapput apeqqarissaarfigineqarlutillu, taava ataasinngorpat Sorlaat Partiiat, marlunngorpat Inuit Ataqatigiit, pingasunngorpat Siumut, sisamanngorpallu Kattusseqatigiit ilisaritittuni kingulliussapput.