Partiinut tapiissutaasartut nakkutigineqarnerat EU-mit nukittorsaqquneqarpoq
Danmarkimi naalagaaffeqatigiinnilu pissutsit pillugit nalunaarusiat pingajussaat suliniaqatigiiffiup Grecop saqqummmiuteqqammerpaa.
Nalunaarusiami Danmark assigiinngitsunik 14-inik siunnersuuteqarfigineqarpoq. Gregomillu tikkuarneqarpoq, peqquserluttuliornissamut pinaveersaartitsinerit Europarådimit piumasarineqartut naapertorlugit Danmarkip erseqqissummik oqaasertalersimanngilai.
Danmarkimi inuit aningaasanik akiliillutik sunniuteqarniartut sakkortunerusumik pillarneqartariaqartut Greco isumaqarpoq, Danmarkimilu peqquserluttartut pillarneqartarnerat nalinginnaasumik sakkukitsuusoq oqaatigineqarluni.
Danmarkimi peqquserluttuliorsimasut nunanut allanut qimaasimasut eqqartuussisutigut malersorneqarsinnaanerisa periarfissiuunneqarnissaa Grecop innersuussutigaa.
Peqquserluttuliortartut pinerluttulerinermut inatsimmi Danmarkimi taamatullu Nunatsinni Savalimmiunilu pingaartinneqarnerunissaat innersuussutigneqarpoq.
Grecop, Danmarkimut, naalagaaffeqatigiillu iluanni atuuttussatut innersuussutigisani siunnersutigisanilu malinneqarnersut aappaagu nalilersorniarpai, nutaarsiassaqartitsivimmi Ritzauimi taama allaaserinnittoqarpoq.
