Partiimik nutaamik aallarnisaasoqarnialerpoq
Socialismimut killilersuerusunngitsumullu partiimik pilersitsisoqalerpoq. Partiimillu pilersitsiniartuuvoq Nikoline Ziemer, biologitut ilinniarsimasoq. Nikoline Ziemer Danmarkimi Folketingimut Socialistisk Folkeparti-mit siornatigut qineqqusaarnikuuvoq.
novembarip 22-at 2007 12:41
Nikoline Ziemer aperaarput partiimik nutaamik sooq pilersitsiniarnersoq, ima akivoq:
- Partiimik nutaamik pilersitserusuppunga pissutigalugu, uanga isumama assinganik Kalaallit Nunaanni partiimik naammattuuisimannginnama.
Naatsorsuutigaara polikkimi qeqqani inissisimanissara, isumaqarlungalu politikkimi inissaqartinneqarlunga. Takusinnaangilarami politikkerit nunatsinnut anguniagaat.
Kalaallit Nunaanni allanngorarneqaqaaq, takusinnaangilaralu politikkit allanngorarneq iluarsiiffiginiarneqarnersoq, Nikoline Ziemer oqarpoq.
Nikoline Ziemer partiimik pilersitsinissaminut atsiornernik suli katersisimanngilaq, naatsorsuutigivaali inatsisartunut qinersisoqalerneranut qineqqusaasalluni.
