Partii nutaaq Rusland-imi
Tamat oqartussaaqataanerat nunarsuarmi tamani tamaani naammattuugassaasarpoq. Ruslandimi naalagaaffiup nakkutigisaanik partiit pingasut illuatungiliuttut ullumi kattullutik partiimik nutaamik pilersitsipput.
Partii nutaaq siammasissorujussuuvoq ateqartinneqarluni: Nunaqavissut Inuusut Utoqqalinersiutillillu partiiat, tatiginassutsillu kattuffiattut taaneqartarpoq.
DR-ip Moskvami tusagassiortua ima oqaluttuarpoq:
Partiip nutaap naalakkersuisunut illuatungiliukkusullutik taaserusuttut sapinngisamik tamakkerlugit ilaasortariniarsarissavai. Ruslandimut asannittut, Nunaqavissut partiiannik taasilluartartut, Ruslandimi atugarisanik naammaginninngitsut Utoqqalinersiutillit partiiannik taasilluartartut, naalakkersuinermik suliaqartut paasissaarpianngitsumik anguniagallit, Inuusut partiiannik taasilluartartut allanik Ruslandimi naammagisaqarpianngitsunik ilalerlutik kattussinnaalerput.
Partiit kattuttut tutsuiginartumik ingerlanissaat Ruslandimi naalakkersuisunit pingaarnerpaatut isigineqarpoq. Partiit kattunnerat naalakkersuisunit aningaasalersorneqarpoq.
Ruslandimi præsident parteertaap tapersersorniarpaa. Ruslandimi præsidentissarsiorluni aappagu decembarimi qinersissoqassaaq. Taamanikkornissaanut massakkut præsidentiusoq Putin pingajussaa præsidentissatut qineqqusaarsinnaanngilaq. Taamaattumik massakkut naalakkersuisut pissaanermik iperaanngikkaluarlutik præsidentimut qinersinissami ajugaanissartik ullumikkut qulakkerniarsaraat.
