Partii Inuit naalakkersuisooqatigiinnut peqataajunnaarpoq
Kalaallit Nunaanni partiit nutaanersaata naalakkersuisunik teknikkikkut suleqateqarnini unitsippaa. Tamanna ingerlaannartumik pisussaammat, naalakkersuisut amerlanerussuteqartarnissaat siornatigumiit suli qularnaannerulissaaq.
Nikku Olsen
januaarip 08-at 2014 12:18
Partiip siulittaasuata Nikku Olsenip naalakkersuisooqatigiit iluminni isumaqatigiinnginnerat toqqissisimanarsoriunnaarlugu, naalakkersuisooqatiginikuusatik Aleqa Hammondip Partii Inuit naalakkersuisooqatigerusukkunnaarmatik teknikkikkut suleqatigilikkatik suleqatigiunnaavissorpaat.
Naalakkersuisooqatigiit Demokraatinik teknikkikkut suleqateqalernerat Partii Inuit iluarinngilluinnarpaat. Taamatut suleqatigiilernermi Demokraatit ataatsimiititaliani ilaasortaatitaqarnerulerput. Tamanna ilaatigut pivoq Lars Peter Mathæussenip Partii Inuit qimallugit Siumumut ilaasortanngornerata kinguneranik ataatsimiititaliani sinniisuutitanik annaasaqarsimaneq.
Maannakkut Randi Broberg Partii Inuit sinnerlugit Inatsisartuni ilaasortaavoq.
