Parnaarussat ilinniarnissaminnut periarfissaqassapput

Nuummi parnaarussivik 2014-imi atulerpat, paarnaarussat ilinniarnissaminnut periarfissaqassasut danskit inatsisit pillugit ministeriat Lars Barfoed oqarpoq.
Allattoq Jaaku Lyberth
oktobarip 20-at 2010 05:53

Meeqqat atuarfiini atuartitsinerit 9 aamma 10 klassemi atuartitsisarnerit assigalugit parnaarussat atuartinneqartassapput, soorluttaaq pisortat tungaannit inuussutissarsiutitigut ilinniartitsinerit aallartinneqarnissaat ilimagineqartoq, soorlu Niuernermik Ilinniarfik aammalu Inuussutissalerinemik Ilinniarfik, Imarsiornermik Ilinniarfik aamma Saviminilerinerminik Ilinniarfik suleqatigalugit ilinniarnerit ingerlanneqartarnissaat pilersaarutaasoq.

Danskit inatsisit pillugit ministeriata Lars Barfoedip folketingimut ilaasortap Sofia Rossenip paarnaarussivissami ilinniartitsisarnissat pillugit apeqquteqaataanut akissuteqaammini oqarpoq.

Parnaarussat atornerluisuunerminnik katsorsartinnissaminnnut neqeroorfigineqassassut, Lars Barfoedip aamma oqaatigaa..

Parnaarussivimmi qinusarfiliortoqassaq soorluttaaq parnaarussat naalagiartarnissaannik periarfissinneqassasut.

Parnaarussivissaq parnaarussanut 76-inut inissaqassaaq, 58-inillu sulisoqassalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq