Assi: Guitguit/Flickr Creative Commons

Parisimi sungaartunik vestillit ujajaasut

Parisimi sungaartunik vestillit maanna sapaatip akunnerisa naanerini 18-inik tulleriinnik præsidentimut Emmanuel Macronimut akerliunertik ingerlappaat.

Akerliussutsimik takutitsinerup nalaani akerliussutimik takutitseqataasut ilaat arfininngornermi pisiniarfimmut ujajaapput.

Akerluissutsimik takutitsisut kiinarpalisarlutik aamma angutit atisaarniarfiannut Bossimut neriniartarfimmullu Fouquetin´mut ilaatigut ujajaasoqarpoq.

Akerliussutsimik takutitsisut aqqusinermi politiit Triumfbuenimik illersuisut ujaqqanik milloorneqarput. Politiit tamanna pillugu gassimik qulliliornartumik atuipput, imermillu tissaluttaatit aamma atorlugit.

Aningaaserivik inini quleriinni arfineq marluusunnik portussusilik ini allerpaaq ikuallanneqarmat, arnaq meeraalu qatseriasartunit arfininngornermi annaanneqartariaqarsimapput, inuunerminni ulorianartorsiortut.

Allat najugaqartut aamma aqqanillit qimagussorneqartariaqarsimapput, taakkunannga qatserisartut marluk ikuallannerani annikitsummik ajoqusesimasut, Parisimi qatserisartut oqaaseqartartuat nutaarsiassaqartitsivimmut AP-mut oqaluttuarpoq.

Nunanut allanut ministereqarfiup inunnik sullissiviata danskit Parisimiittut akerliussutsimik takutitsisunut peqqarniitsunut mianersoqquneqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat