Parisimi mittarfik Orly peqqarnissaarniamit saassunneqartoq
Tamanna sioqqullugu angut sakkutuumit sakkumik arsaagaqarsimavoq. Sakkutuut marluk allat angut aallaavaat toqullugulu.
Tamannalu peqqarniisaarniatut saassussinerusinnaasoq, nunamut namminermi pissutsinut ministereqarfimmi oqaaseqartartup oqaatigaa.
Mittarfimmi saassussineq sioqqullugu politeeq Parisip avannaata tungaani saassussisumit aallaaneqarluni ikilerneqartoq, franskit politiivinit tusarfiit Reutersimut oqarput.
Angut "muslimitut ingasaassiniartunngorsimasutut" Frankrigimi isertortumik paasiniaasunit nalunnginneqartoq, Reuters naapertorlugu isumannaallisaanermut suliaqartunit tusarfiit oqaatigaat.
Ilaasussat timmisartut aallartarfianni saassussiffiusumiittut saassussinerup kingorna qimagussortinneqarput, qaartartoqarnersorlu misissorneqarluni. Toqutaasup timaani qaartartunik nassaartoqanngilaq.