Paraguayimiut nuannattunnguupput

Paraguayimiut Danmarkip ajorsarfiinut Japanimiunut ajugaagamik nuannattunnguupput. Arsaannerup naanerani piffissaliussamilu tamarmik målinnginnamik, strafferlutik isertitseriaqattaarnemi Japanimiut ataasiarlutik målinngimmata Paraguayimiut ajugaapput.

Nunarsuarmi arsaalluni pissartanngorniunnerni kvartfinalertoqarnerani, siullerpaamik Europamiut ikinnerussuteqarput. Arfineq-pingasuni kvartfinalimut anguttuni Europami nunat pingasut kisimik anngupput, Latinamerikamili nunat sisamat anngullutik.

Ullumi aqagulu arsaattoqassanngilaq. Tallimanngorpat juulip aappaanni kvartfinalit aallartippata Holland Brasilialu unammissapput amma Uruguay Ghanalu unammissallutik, taakku arsaannerit KNR-TV-kkut isiginnaarneqarsinnaapput.

Arfininngorpat arsaannissaarsuarmi Argentinamiut Tyskinut unammisut aamma Paraguayimiut Spaniamiunut unammisut malinnaavigineqarsinnaapput.