Palæstinamiut Israelimiullu akerleriittuarsinnarput
Allattoq Mads Lynge
juunip 25-at 2006 13:21
Palæstinamiut Israelimiullu akornanni akerleriinneq ajorsineruvoq.
Qamutit sorsuutit Israelimiut pigisaat sakkutuullu Gazamut ullumi iserterput.
Israelip Gazallu akornanni killeqarfiani Israelimiut nakkutilliisoqarfiat Palæstinamiunit sorsukkumatuunit saassunneqareersorlu, Israelimiut saassussipput.
Israelimiut marluk, Palæstinamiullu aamma marluk saassussinermi toqutaapput, Israelimiullu sakkutuuat ataaseq maqaasineqarluni.
Israelip premierministeriata, Ehud Olmertip, oqaatigaa Palæstinamiut præsidentiat Mahmoud Abbas, Palæstinamiullu naalakkersuisui Hamasilkkunnit inuttaqartut, akisussaasuunerarpai.
Sorsukkumatuut Hamasikkunneersut Israelimiut nakkutilliisoqarfiannik saassussisuujunerarput.
