Palle nassuiaateqartoqarnissaanik piumasaqaqqippoq

Palle Christiansenip paaserusuppaa Namminersorlutik Oqartussani sulisunut nipangiussisussaatitaanermik malittarisassat kisiisa malinniarneqartussaanersut, imaluunniit sulisut tusagassiorfinnik oqaloqateqarnissaannut malittarisassaqarnersoq allanneqarsimanngitsunik imaluunniit akuerineqaqqaarlutik taamaalioqqusaanersut. Palle Christiansenip aamma paaserusuppaa Hammondip naalakkersuisoqarfimmini pisortap Svend Hardenbergip, tupaallaatigineqartumik sapaatit akunnerata suliani tusagassiorfinnut nalunaarutimini, oqaatigisaminik erseqqissaanissaanut kaammattorusunneraa.

Oqaaseqaateqarnerami Namminersorlutik Oqartussat sulisuinik oqaaseqaqqusinnginnertut paasineqarsinnaavoqt, Hardenbergillumi knr.gl-imut tamanna aalajangiusimallugu aamma oqaatigalugu. Taanna naapertorlugu Namminersorlutik Oqartussani sulisut kaammattuinnarpai tusagassiorfinnut saaffiginninnatik pisortarisaminnut qaninnermut saaffiginnittaqqullugit.

Palle Christiansenillu maanna paaserusuppaa, Aleqa Hammondip atorfilittaasalu tamanna qanoq isumaqarfigineraat.