Palle Christiansen: Qeqqata kommuniani meeqqanik kaattoqarnerluni?

Siunnersuut Qeqqata kommuniani kommunalbestyrelse pingasunngorpat ataatsimiippat saqqummiunneqassaaq. Siunnersuutigineqartup aallavia Meeqqat Inuusuttullu pillugit ilisimasaqarfiup MIPI-p ukioq 2007-imi nalunaarusiaanit aallaaveqarpoq, tamanna pillugu Palle Christiansen KNR avannaani suleqatitsinnit Janus Maqe-mit apersorneqarluni oqarpoq, MIPI-p nalunaarusiaa aallavigalugu kalaallit Nunaanni inuusuttut kaattut amerlasuujusut nalunaarutigineqartoq. Nalunaarusiaq taanna inatsisartunut saqummiunneqarpoq, uangali kommunalbestyrelse-mi ilaasortatut Qeqqata kommunalbestyrelse-ani saqqummiunniarpara oqarlungalugu: kommuunitsinni meeqqat inuusuttullu kaattut qanoq amerlatiginersut paasiniartariaqaripput, meeqqat inuusuttullu kaattut sumiinnersut paasiniassagipput taamaalilluta siunertalimmik najugaqarfigissaanni ikiorsinnaaniassagatsigit Palle Christiansen oqarpoq.

Meeqqat inuusuttullu ajunngitsumik inuuneqassappata pisariaqarpoq inuiaqatigiinni ajunngitsumik siunissami ingerlatsisoqarnissaq. Siunnersuut imminerminut Demokraatillu ilaasortaasa sinnerinut nukinginnartutut Palle Christiansenip nalilerpaa. Siunnersuut kommunalbestyrelse-mi oqallisigineqareerpat qanoq pisoqassanersoq Palle Christiansenimut apeqqutigineqarmat, taanna oqarpoq, meeqqat kaattut ikiorneqarnissaannut pisariaqaritsineq annertuppat, paasiniarneqartariaqartoq qanoq iliorluni meeqqat kaattut nerisassaannik tunineqartariaqanersut toqqissisimasumillu atugaqartinneqarlutik. Kommuunit allaffiisa nerisarfii meeqqanut kaattunut nerisarfittut atorneqarsinnaasut Palle Christiansenip oqaatigaa. Meeqqalli kaattut qanoq amerlatiginersut paasineqaarerpata aaqqiissutissatut iliuusissat saqqummiunneqarumaarput, Palle Christiansen KNR avannaani suleqatitsinnit Janus Maqe-mit apersorneqarluni oqarpoq.