Palasi erninilu Aasianni inissianik pinnersaajartorput
Eqqumiitsuliortut marluk Danmarkimiit ullumi Aasiannut tikissapput, inissiarsut ilaannik pinnersaajartorlutik.
Allattoq Louise M. Kleemann
Jyllandimi, Fynimi Savalimmiunilu kalaallit palaserisimasaat, Karl Peter Olsvig Andersen erninilu, Nikolaj Andersen Olsvig Aasianni sapaatip akunnerata tulliani inissiarsuit iigaannik kusassaallutik aallartissapput. Tamarmik 2,5 meterisut portutigisunik 10 meterisullu takitigisunik qalipaassapput.
Erneriit eqqumiitsuliortut allat marluk peqatigalugit kusassaanissaminnut toqqarneqarsimapput. Angutaa 75-inik erneralu 41-nik ukioqarput, eqqumiitsuliaminnillu saqqummersitsisareernikuullutik. Tamarmik Kalaallit Nunaanni inunngorput, Karl Peter Olsvig Qeqertarsuarmi, erneralu qallunaamik anaanalik Sisimiuni inunngorluni.