Palæstiinamiut siuttuata sakkuaakkunnaarnissaaq piumasaraa

Amerikamiut nunanut allanut tungasunut ministeriata Antony Blinkenip Palæstiinamiut nammisorlutik oqartussaasussuia siulitttaasuat Mahmoud Abbas Vestbreddenimi illoqarfimmi Ramallahimi sapaammi ataatsimeeqatigaa.

Gazami inuunermut pingaaruteqartunik ikiuinissamut kiffartuussinerillu pinngitsoorneqarsinnaanngitsut atuleqqinnissaat USA-p iliuuseqarniarnera nunanut allanut tunngasunut minsterip uppernassaqqippaa.

Palæstiinamiut pinngitsaalisamik qimaatinneqassanngitsut, Blinkenip erseqqissaatigaa.

Inuiannik toqoraanermik taasamik Abbasip assuarinninni Blinkenimut oqaatigaa. Israelimiullu Gazamut saassussinerisa unitsinneqarnissaa piumasaralugu. 

- Gazami palæstiinamioqatitsinnik inuiannik toqoraanermik taaneqarsinnaasumik saaassussineq aserorterinerillu ingasangaarmata oqaasertalersinnaanngilakka, Abbass palæstiinamiut nutaarsiassaqartitsivianni Wafa-mi taama issuarneqarpoq.

Amerikamiut nunanut allanut tunngasunut ministeriat Blinken arabiami nunanut allanut ministeriinik Jordanip illoqarfiisa pingaarnersaanni Ammanimi arfininngornermi ataatsimeeqateqarpoq.

Blinkenip kangia qiterlermi angalanerani Abbasimik ataatsimeeqateqarnissaa sioqqullugu nalunaarutigineqarsimanngikkaluarpoq.

Israel Palæstinamiullu akersuullutik aallartinneranniilli aappassa Blinken Abbasimik ataatsimeeqateqarpoq.

Blinken Abbasilu kingullermik ataatsimiipput Ammanimi oktobarip ulluisa 13-anni.