Palæstinamiut inuusuttuarannguit pingasut ullumi Israelimiut timmisartukkut saassussimmata toqutaapput.
Taakku saniatigut allat aamma arfineq-pingasut toqutaasimasut nutaarsiassaqartitsiviup Ritzauip allaaseraa.
Aammattaaq allat sisamat ikiligaasimaqisut Gaza-mi tusarfiit ilaannit oqaatigineqarpoq. Erseqqissaatigineqarporlu toqutaasut arlaannaalluunniit sakkoqarsimanngimmat.
Tusarfiit oqaluttuaraat timmisartukkut saassussinerit Gazastribe-p avannaata ilaani palæstinamiut aallaasinik sakkullit tungaanut saassussinerusimasut.
Sapaatip-akunnera kingulleq Israelimiut saassussiartorlutik eqqarasuartaatinik qamutinik ingerlallutik Gazap tungaaliarmatali maannamut katillugit inuit palæstinamiut Israelimiullu 49-t inuunerminnik annaasaqarput.