Pakistanip tunngaviusumik inatsisaa atorunnaarsinneqarpoq.

Pakistanip tunngaviusumik inatsisaa atorunnaarsinneqarpoq Præsidentip Pervez Musharaff-ip inatsisinik nalinginnaasunik atorunnaarsitsinera ilallugu, taamak nalunaaruteqarpoq Pakistanip naalagaaffiata TV-ia.

Pakistanimi eqqartuussiviit qullersaasa siulittaasuat Iftikhar Chaudry eqqartuussisoqatinilu arfineq pingasut inatsisit nalinginnaasut atorunnaarsinnissaannut itigartitsisimapput, kinguninngualu isummernissaat pisariaarunnerarneqarsimalluni, tusarfiit naalagaaffimmut attaveqanngitsut ilisimatitsipput.

Malinnaasut ilisimatitsipput eqqartuussiviit qullersaat politiinit sakkutuunillu unguneqarsimasoq.

Ilimagineqarpoq ullup ilaa immikkut ittumik Pakistanimi naalakkersuisut ataatsimiissasut, ilaatigummi ernummatigineqarpoq januaarimi præsidentimik qinersinissap ingerlatiinnarneqarnissaa.

Pakistanimi eqqartuussiviit qullersaata Musharaffip præsidentimut qinigassaangortissinnaanera suliaraa, tassanilu naliliiniarnermi ilanngunneqarluni sakkutooqarnermut aamma qullersaanera.

Tusakkat naapertorluguit ernummatigineqarpoq Pakistanimi eqqartuussiviit qullersaata Musharaffip præsidentinngorniarneranut akerlioratarsinnaanera.

Ulluni kingullerni oqallisaasimavoq Musharaffip inatsisinik nalinginnaasunik atorunnaarsitsisinnaanera.