Pakistanip Indiallu akornanni pissutsit iluarsiiminissaat neriuutigineqarpoq
Pakistanimiit ikiuerusunneq naalagaaffiit taakkua marluk akornanni pissutsinut iluarsiimisitsisinnaassasoq kissaatigineqarpoq. Peqqarniisaartummi Pakistanimeersuunissaat Indiamiunit ilimagineqarpoq.
Pakistanimi kilitsissiat pisortaata Indiamukartinnera silatusaarneruvoq. Indiamimi naalakkersuisut peqqaarniisaarniat Pakistanimi naalakkersuisunit ikiorneqarsimanerat ilimagineqarmat. Indiamiut naalakkersuisa siulittaasuata Pakistanimiunit ikiortissarsiutsiaannartoq Pakistanimiit takkuttoqarpoq. Indiap Pakistanillu akornanni nunami, Kashmirimi perulluliorfioqisumi islamisiortut peqqarniisaarniat Pakistanimiit ikiorneqartareerput. Kashmirimi aaqqiagiinnginnerit, Indialli Pakistanillu avissaarlutik naalaagaaffittut 1947-mi ingerlalernerisa kingorna perulluliornernik kinguneqartarput.
Pakistanip taama nuimatigisumik aallartitaqarnera, Indiamut inussiarnisaarnertut isigineqarpoq, naalagaaffiimmi taakkua marluk atomitortunik sakkullit akornanni pissutsit najummassimanarnerulernissaat aarleqqutigineqarpoq.
