Pakistanimi taasinerit kisinneqaleruttorput
Naalagaaffimmi Pakistanimi kingullermik 2002-mi qinersisoqarpoq. Ukiut arfinillit qaangiutillartullu kingumut kikkut tamat oqartussaaqataanerat misilinneqaqqippoq; taasinerillu kisinneqaleruttorput.
Allattoq Louise M. Kleemann
Qinersisarnernut ilisimasallit taasiartortukissimanissaa ilimasaarutigaat, tamannalu præsidentiusup Pervez Musharraf-ip iluaqutigiinnassagaa ilimagineqarluni.
Qinersineq aassunnissimavoq; ullumimi toqutaasut quliusimapput, taakkununnga ilaalluni upperisartik tunngavigalugu qinigassanngortittut ilaat, allattaa, angallassisaalu, illoqarfimmi Lahor-imi aallaaneqartut.
Illuatungeriit unammilluavipput, præsidentimullu illuatungiliuttut Inatsisartuni amerlanerussuteqariasaassappata ilimagineqarpoq præsidentiusup tunuartinniarneqarnissaa.