Pakistanimi pæsidenti toqoriarneqarsimanerarpoq
- Uagununa toqoriarneqartugut. Inatsisartut tamarmik, innuttaasut, inuinnaallu allat naalakkersuisooqataasut. Tamattami tassaniittussaagaluarpugut, præsidenti amerikamiut TV-qarfiannit, Fox Newsimit, ippassaq unukkut apersorneqartilluni oqarpoq.
- Uanga ministeriuneralu, kiisalu inuiaallu katerittut siulittaasuat allarpassuillumi tassani naapeqatigiittussaagaluarpugut. Tamanna nalaatsornerinnakkut allanngortipparput, Zardari apersorneqartilluni oqarpoq.
-Sutorniartarfimmiit ungasinngitsunnguami nereqatigiippugut. Ministeriunerup angerlarsimaffianiitilluta qaarpallannersuaq tusarparput, præsidenti nangippoq.
Lastbiili qaartartorpassuarnik usisoq Islamabadimi sutorniartarfiup Marriottip silataani isumannaallisakkamut ullut qulit matuma siorna imminut toquutigaluni qaartartumeerisumit aqunneqarluni sukkaqaluni apormat, inuit ikinnerpaamik 60-it toqutaapput, hornorujulippassuillu ikiligaallutik.