Pakistanimi pikitsitsiniat siuttuat toqutaavoq

Pakistanimi pikitsitsiniat naalagaat Koranip atuarfianeersoq, Naalaffik Aappaluttukkunneersoq, Abdul Ghazi, ullumi toqutaavoq. Taama paasissutissiivoq, Pakistanimi pissutsinut ministereqarfik.

Qanorli toqunneqarsimanersoq kikkullu toqussimaneraat suli paasiuminaatsinneqarpoq.

Oqaatigineqarpoq Abdul Ghazi, pakistanimiut sakkutuuinut tunniutiinnarniartilluni aallaarsarine-qarluni toqutaasimasoq, taama pissutsinut ministere-qarfimmiit oqaaseqartartoq paasissutissiivoq.

Kikkunnilli toqutaasimanersoq suli paasiuminaatsinne-qarpoq, toqutaanera pisimavoq sillimaniarnermut sakkutuut Naalaffimmut Aappaluttumut saassillutik isaareernerisa kingorna, tamanna sioqqullugu sap. akunnerata ataatsip ingerlanerani, Abdul Ghazi, ilinniartuutaalu ingasattajaarniat koranisiornermik atuarfimmeersut tunniutiinnaqqullugit kajumissaar-neqartarsimagaluarput.

Naalakkersuisuni sulisut marluk aterminnik taasaqarumanngitsut oqaatigaat, pikititsiniat pisortaata, Abdul Ghazi, timaa Naalaffiup kiileriani nassaarineqarsimasoq. Islamisiortut allat koranisiornermillu atuarfimmeersut peqatigalugit naalaffik unnuk taanna saassutarineqarnerminni pallittaalisatut najugarisimavaat. Sakkutuut oqarnerat malillugu pikitsitsiniat ittuata arnat meeqqallu naalaffimmi eqqornaveequtitut sorsunnermini atorsimavai. Abdul Ghazi, upperisarsiornermik sharia pillugu inatsit atuutilersinniarlugu sakkortuumik sorsuuteqarsimavoq.