Pakistanimi nuna sajummat ikinnerpaamik 135-t ajunaarput
Pakistanip kimmut kujasissortaani nuna unnuaq sajorujussuarmat inuit ikinnerpaamik 135-t ajunaarput, illullu 100-likkaat aseruatiterlutik. Afghanistanimut killeqarfiup eqqaani nuna sajuppoq.
Nutaarsiassaqartitsivik Ritzau taama allaaserinnippoq.
Allattoq Mads Lynge
Ajunaartut amerlanersai nunap immikkoortuani Ziaratimeersuupput. Nuna sajummat nuna ujaqqallu sisoorput, inuillu sinngutileruttortut nuna sajulluni.
- Nunaqarfiit arfineq-pingasut assut eqqugaapput, eqqugaasullu tikissinnaasimanngilagut, nunap immikkoortortaata oqaaseqartartua oqarpoq.
Nunap sajuttarneranut uuttuut naapertorlugu nuna 6,4-mik sajuppoq.