Pakistanimi naalakkersuisuutitaqartut ajorsartinneqarujussuarput
Ajorsarneq nunami atominik sakkussiaateqaqisumi præsidentimut, Pervez Musharraf-imut, sunniuteqassaqaaq. Pakistan pillugu danskeq paasisimasaqarluartoq, Stig Toft Madsen, Asiamut tunngassutilinnut Nunani Avannarlerni Institutimeersoq, taama naliliivoq.
Pissutiginiagaasulli præsidenti killingitsoorpaat. Musharraf-immi partiiata, naalakkersuisunut tapersersuisuusup, ajorsarujussuarnini nassuerutigereeraluaraa, tunuarnissamik illuatungiuttut piumasaqarnerat Musharraf-ip akuererusunngilaa.
Ministeriunerusimasup, Nawaz Sharif-ip, partiia malunnartumik tapersersorneqarpoq, ministeriunerusimasullu toqutaasup, Benazir Bhutto-p, partiia aamma qinerneqarluarluni.
Qinersisoqarnerani perulluliortoqaranilu qunutitsisoqannginnera oqiliallaatigineqaraluaqisoq, tamani taama eqqissisimatigisimanngillat. Inuit qulit 30-llu akornanni amerlassusillit toqutaasimasut Pakistanimi tusagassiorfiit nalunaarutigaat.
Pakistanimi præsidentip, Musharraf-ip, politikkia maanna navianartorsiorpoq, tunuartariaqalersinnaalluni, inuiaqatigiilli saammaateqatigiinnissamik kajumissaarpai.