Pakistanimi inuit 45-t toqutaapput
Pakistanimi imminut toquutigaluni ullaap tungaa qaartartumeerisoqarmat inuit ikinnerpaamik 45-t toqutaapput, talibanillu Pakistanimiittut qaartartumeerinermut akisussaasuunerarput.
Allattoq Louise M. Kleemann
aggustip 21-at 2008 09:09
Imminut toquutigalutik qaartartumeerisut marluk sakkussialiorfiup isaariaata eqqaani qaartartumeeripput.
Sakkussialiorfik Pakistanip illoqarfiisa pingaarnersaata Islamabadip ungasinngisaaniippoq, sulisullu soraaqqammerlutik angerlakaaleruttortut sulisullu nikinneranni qaartartumeerisoqarluni.
Pakistanip avannamut kippasissortaani siorna juulip qaammataanili qaartartumeerisaqattaartoqarpoq, inuit 100-likkaat toqqutigisimasaannik.
