Pakistanimi eqqissivissioqatigiinnerugaluaq isasoorpoq
Pakistanip illoqarfiisa pingaarnersaata Islamabadip 120 kilometerisut avannarpasitsigisuani qoororsuaq Swat sorsuffioqqilerpoq. Februarimi eqqissivissioqatigiinnerugaluaq isasoorpoq. USAmi naalakkersuisut, Pakistanimi naalakkersuisut, muamaap malittaannut tunniutiinnarsimanerat amiilaammisaarutigaat.
Pakistanimili naalakkersuisut piumasarisimavaat muamaap malittaasa sakkutik tamaasa tunniutissagaat. Pakistanip sakkutooqatigiivisa, muamaap malittai pikitsitsisut Talebaninut Al-Qaedamullu suleqatiginnittut ajorsiffigisimavaat. USAp nunanut allanut ministeriata Hillary Clintonip, Pakistanip naalakkersuisuisa tunniutiinnarnerattut taavaa.
Pakistanimi naalakkersuisut akuersiniariartut, muamaap malittaasa pissaanertik nunap immikkoortuinut allanut siaruariaraluarpaat, illoqarfillu qullersaqarfik Islambad, tiguariaannanngorsimagaluarlugu.
USAp naalakkersuisui, Pakistanimilu upperisarsiunngitsut siunnersuineri malillugit sakkutuut aalajangerput akiuunnertik nangeqqinniarlugu.
Pakistanip præsidentia Ali Asif Sadari USA-p præsidentia aqagu ataatsimeeqatigippagu ilimagineqarpoq Obamap piumasarissagaa Talebanit, Al-Qaedalu qanoq akiorniarneqarsinnaanerat eqqartoqatigiissutigissagaa.
