Pakistan Tuluit Nunaanniit aningaasatigut ikiorserneqalerpoq
Brown ulluni makkunani Pakistanimut tikeraarpoq, Pakistanillu præsidentia Asif Ali Zardari peqatigalugu Pakistanip illoqarfiisa pingaarnersaanni Islamabadimi tusagassiortunik ullumi katersortitsilluni.
Pakistanip Indiallu aaqqiagiinngissuteqarnerat iluarsiiviginiarlugu Brown Pakistanimiippoq. Indiami illoqarfissuarmi Mumbai-imi qanittukkut saassussisoqarmat inuit 172-it toqutaapput, nunallu taakku marluk akornanni aaqqigiinnginnerit sakkortuseriaannarlutik.
- Peqqarniisaarniartarnerit akiorniarneqarneranni iliuusissagut isumalluarfigaavut, Gordon Brown oqarpoq, Afghanistanimilu Pakistanimilu peqqarniisaarniartartut periarfissinneqarsinnaannginnissaat neriuutigalugu.