Paggattarneq Sisimiormiut uummarissarniarpaat
Sisimiuni Ilaqutariinni Kiffartuussivimmit 2. salimiit assigiinngitsunik ammut paggatsitsoqarumaarpoq uanilu siulliit annermik pissarsiumaarput.
Tassaana Sisimiuni Ilaqutariinnut Kiffartuussivik paggannissamut aggersaasoq januarip pingajuat Qajaasat 2-mi.
Paggatsitsisarneq kinguaariit arlallit nunatsinni ingerlappaat ilaqutariit nalliuttorsiualaarneranni imaluunniit pisuni annertunerusuni qiimmaallaataasarsimaqisumik aggorsimasut imaluunnit mersukkat pagganneqartarsimallutik.
Sisimiuni paggatsitsinermi peqataaniartut 2. salimiit nalunaarutigisassavaat sooq paggatsitsinerlutik. Puisimi perngartoorneq imaluunniit ilaqutariit meerartaarnerat paggatsitsinermut pissutaasinnaappunngooq.
Sisimiuni Ilaqutariinnik Kiffartuussivimmi ningiuusoq Dorthe Olsen Møller nalunaarpoq paggatsitseqatigiittarneq ukiut tamaasa uteqqiattunngorlugu ingerlanneqartalissamaartoq.
