Paavip Joe Biden ajugaaneranik oqarasuaatikkut pilluaqqugaa
Paavi Fransip Joe Biden USA-mi præsidentimut qinersinermi ajugaanerani oqarasuaatikkut oqaloqatigalugu pilluaqquaa.
Joe Bidenip atorfilittai taama nalunaaruteqarput.
Ilagiit katuuullineersumik USA-p oqaluttuarisaanerani aatsaat aappassaanik USA-mi præsidentimut qinigaasoqarpoq.
Tamanna 1960-imi pivoq, John F. Kennedy præsidentitut taamanikkut qinigaagami.
Paavi Fransillu tamanna arajutsisimanngilaa.
Joe Bidenip paavi eqqissineqarnissaanut, saammaateqatigiittoqarnissaanut nunanilu tamalaani inuit imminnut ataqatigiinnissaannut ilungersuuteqartuarnera pillugu oqaloqateqatigiinnerminni nersualaarpaa.
Joe Bidenip paaviusimasoq Johannes Paul II (aappaat) præsidentimut qineqqusaarnermini arlaleriarluni issuartarsimavaa.
AAMMA ATUARUK Paavi: Silap pissusiata allanngoriartorneranik upperinninngitsut sianiitsuupput
Paavi Fransip Donald Trump ilungersuanarsinnaasumik aamma attaveqarfigisimavaa. Trumpip USA-p Mexicollu akornanni qarmarsualiorniarnera paavi Fransip silanngajaarnertut siorna 2019-imi taavaa.
USA-mi partiit præsidentimut sassartitassaminnik 2016-imi qinersisaqattaarmata kinaluunniit ikaartarfiliorniarnani qarmarsualiorniartoq ilagiit kristumiuneersuunngitsutut paavi Fransip taavaa.