Paavi 80-iliivoq
Ataqqinartorsuaq Dronning Margrethe 67-inik ukioqalerluni inuuissiorpoq, Amalienborgimilu nalliussineqarluni.
Maannakkorpiarlu – tassa Danmarkimi ulloqeqqarmat - illussaarsuup aneersuartarfianut - pisarneq malillugu – anillappoq, Danmarkimilu upernaarpalaarluni silageqimmat københavnimiorpassuit Amalienborgip silataani pilluaqqusiartornissaat qularutissaanngilaq.
Kujammullu kilometererpassuit illuarutta – Romimi Vatikanimi aamma inuuissiortoqarpoq, kaagillumigooq piareersimapput. Inuuissiortoq tassaavoq Joseph Alois Ratzinger – maanna paavitut nalunnginneqarnerusoq – paavi Benedikt 16-iat ullumikkut 80-iliivoq.
Paavip inuuissiornerani tusarnaartitsisoqassaaq – Vatikanimilugooq sulisut tamarmik ullumikkut freerput – tamarmillu immikkut 3.700 koruunit missaannik aningaasarsipput – qularnanngilarlu Romimi ullumi nuannattoqassaqisoq.
