Paasititsiniaaneq unitsippaat

Canadami naalakkersuisut konservativiusut naartusunut inuusuttunullu pujortarunnaartitsiniarlutik paasititsiniaanertik,

2001-imiilli ingerlassartik, unitseqqammerpaat.

Naalakkersuisut 50 millioni koruunit missigisaanik sipaaruteqarniarnertik paasititsiniaanerup iluaqutaasimanerata qularnarnera peqqutaatippaat.

- Sooq iluaqutaanngitsumut aningaasaliissaagut, Canadap peqqinnissamut naalakkersuisuata Tony Clementip parlamentimi taama oqaatigaa, illuatungiliuttuusut Canadallu inoqqaavisa sinniisaat aalajangiussamut akerliunertik nalunaarutigereeraallu.

Naalakkersuisunut illuatungiliuttuusut partiiani NDP-mi ilaasortap Jean Crowder-ip oqaatigaa, paasititsiniaaneq naggueqatitsinnut inuusuttorpassuarnut sammitinneqarsimammat imaaliallaannaq sunniussimanersut paasineqarsinnaannginnerarlugu unnerlugu.

Aammaloorluni taakkartorpaa sipaarniarneq canadap inoqqaavisa sinniisaat apereqqaallannguarnagit atuutsilerneqarsimasoq

Ilumoortorli unaanerussagunarpoq:

Naalakkersuisunut konservativiusut qinersisartut nunap inoqqaavisa akornanni pujortarunnaartitsiniarluni paasititsiniaanerit soqutigineqanngilluinnarmata.

Tina Keeper partiit Liberalineersoq oqarpoq, naalakkersuisut aalajangiussaat siunissami inuit amerlanerit napparsimalerlutillu toqusalerneranik kinguneqarumaartoq.

-Soormitaavaana eqqillit inuillu peqqissutsimikkut nunani kinguarsimasuniittutut ilersinniaraat, Tina Keeper oqarpoq.

Canadap peqqinnissaqarfiata nalunaarutigaa inuit eqqillillu 18-niit 34-inut ukiullit 60%-ii pujortartartuusut.