Paasissutissat aningaasaateqarfimmit eqqunnginnerarneqarput

Eqqumiitsulianik Katersugaasivissatut pilersaarutigineqartup aningaasaateqafia malittarisassat unioqqutillugit pisisarsimaneranik aviisip Atuagagdliutit sapaatip akunnerani kingullermi allaaserisaqarnera aallaavigalugu aningaasaateqarfiup siulersuisui akissuteqarput.
Allattoq Jaaku Lyberth
oktobarip 23-at 2009 07:02

Aviisip allaaserisaqarnermini arlalinnik kukkuneqarnera aningaasaateqarfiup erseqissarpaa, ilaatigut allaaserisami oqaluttuarineqarluni, aningaasaateqarfik 600.000 millioner koruuninik aningaasateqarnerarlugu tassalu 66 milliarder koruuninik aningaasaateqarneragaavoq, soorunalimi tamanna eqqunngitsoq aningaasaateqarfik erseqqissaavoq. Aningaasaateqarfiup aningaasaatai, inatsisartunit aningasaaliiffigineqartut atorlugit eqqumiitsulianik pisisoqarsisoqarnerani aningaasaateqarfiup

kukkkunersuisuata naatsersuutini naammagittaalliutaa aningaasaateqarfiup siulersuisuinit ilumuunnginnerarneqarpoq.Kalaallit Nunaani Eqqumiitsulianik katersugaasiveqalernissap pisariaqassusia aningaasaateqarfimmit erseqqissarneqarpoq Nunat allat tamarmik uagutsinnut assersuutakkagut, Eqqumiitsulianik Katersugaasiveqarput, aningaasaateqarfiup siulersuisui erseqqissaapput.

Eqqumiitsulianik katersugaasiviliornissaq eqqarsaatigalugu, nunani avannarlermi illussanik titartaasartut ukioq naatinnagu qaaqquneqassapput, katersugaasivissap titartarneqarnissaannut isumassarsiullaqqinneqqusaannissamut peqataanissaat eqqarsaatigalugu, eqqumiitsulianik Katersugaasiviliornissamut pilersaaruteqartut aningaasaateqarfianit nalunaarutigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq