Paasissutissanik paarlaasseqatigiissinnaanngillat
Sakkutuut Afrikami Somaliap avataani umiarsuarni ujajaanianik tigusarinninniartartut, sakkutuut angallataasa assigiinngitsunik teknikkikkut atortorissaaruteqarnerat pissutigalugu, paasissutissanik pingaarutilinnik pissarsinngitsoortarput.
Tamatuma kinguneranik ujajaaniat tigusarineqartut eqqartuussaanermikkut parnaarunneqartussaagaluit iperaannarneqartartut, aviisimi Morgenavisen Jyllands-Postenimi allaaserineqarpoq.
Danmarkimi sakkutuut sorsuutaasa Absalonip aamma Esbern Snarep ujajaaniat 47-t ukiuni kingullerni tigusarisimavaat, taakkulu inuaasa ipaasaat assilineqarput oqarasuaataasalu angallattakkat imaat assilillugit toqqorterneqarlutik.
Paasissutissat tamakku nunat suleqatigiit atorluarniartussaagaluarpaat, taamaalillutimmi ujajaaniat qanoq suleriaaseqarnerat paasisinnaassagamikku.
Ajornartorsiut tamanna Danmarkimi illersornissamut ministerip Gitte Lillelund Bechip sapaatip akunnerani matumani siusinnerusukkut sorsuummut Esbern Snaremut pulaarnermini aatsaat paasivaa, - Jyllands Postenimullu oqaatigalugu ujajaaniartartunut akiuiniarnerup pitsaanerusumik ataqatigiissaarneqarnissaa sulissutiginiarini.
