Paasisimasallit nalunaarusiaat ullumi saqqummiunneqassaaq

Silaannaap allanngoriartornerata kingunerisaanik nunarsuatta qanoq issusaa pillugu Naalagaaffiit Peqatigiit iluanni paasisimasallit 500-t misissuinerisa nalunaarusiaat kiisami ullumi saqqummiunneqassaaq. Paasisimasallit taakku Frankrigimi Parisimi sapaatip akunnerata missaani katersuupput, nalunaarusiaannilu nutaami inaarsarneqaqqammersumi tusagassat nuannerpallaanngillat.

Paasisimassallit isummiuppaat ukioq 2100-ngortinnagu silaannaq 1,8-p 4 gradi celciusip akornanni kiannerulissasoq, nutaarsiassaqartitsivik Ritzau allappoq. Silaannaap allanngoriartornera pillugu Naalagaaffiit Peqatigiit misissuisitsisuisa, IPCC-p, aamma ilimagaat imavissuit aamma qaffakkumaartut.

Kingullertut, minnerunngitsumilli, silaannaap pissusaanik paasisimasallit isumaqarput, silaannaap kissakkiartornerata kingunerisaanik inuit 200 millionit missaat ukiuni aggersuni qimarratissasut.

Silaannaq pillugu nalunaarusiap ullumi saqqummiunneqarnissaa sioqqullugu paasisimasallit tamarmik ippassaq isumaqatigiissutigaat uagut inuit nammineq silaannaap allanngoriartorneranut pisooqataasugut, immaqa 90 procentimik.