Paasisat: Naggussamikkut gigtertut sila isugutatsillugu anniarnerusarput

Irlandimiut Belfastimi ilisimatusartut naqissuserpaat inuit naggussamikkut gigtertut sila isugutatsillugu assut anniarnerusartut.

67-inik ukiulimmut Rikke Fredelykkemut ukiuni 16-ini gigtersimasumut sialuk tassaavoq anniaruloortitsisartoq. Sila isugutatsillugu inussani, paffini singerninilu anniarisarpai.

Irlandimiut ilisimatusartut ilisimatuussutsikkut paasisatik saqqummiuppaat, tassalu silapiluk anniarnerlu imminnut atasut.

- Iterlunga eqqarsarsinnaasarpunga ullumi qulisimassasoq. Igalaakkkullu itsuaruma takussuara tassami qulisimasoq.

Taavami naggussamikkut gigtertut anniarnerminnut paasisaq kingulleq sumut iluaqutigisinnaavaat? Anniaannavippummi.

Qallunaat gigtertut peqatigiiffianni siulittaasoq isumaqarpoq gigtimik nappaatilinnut pingaaruteqartoq uppernarsisinnaallugu sila allanngoraangat anniarnermik kinguneqartartoq.

Silalu ajortillugu kinguneri Rikke Fredelykkep ilisimaareqqissaarpai:

- Taava anniarneq - naggussatigut, siffissakkut inussatigullu. Tassalu taamaaginnartoq nassuerutigaa.