PAARISA: Assigiiaarnerusumik qaammarsaasoqartariaqarpoq
Aanngajaarniutit nunatsinni atorneqarnerat qaammarsaasoqarneratigut annikillisarniarneqarpoq, nunallu avannarlerneersut ilaat nunatsinni misilittakkat tunuliaqutaralugit sulilersimapput.
Qaammarsaaniarnermut atugassamik PAARISA taskiliortitsisimavoq, atuarfinni ungdomsklub-inilu qaammarsaaniarnermut atugassaq.
Ornigulluni oqallitsitsisarnerit qitiutinneqarput, pisoqarfinnut ornigulluni qaammarsaasoqartarluni.
Periuseq taanna Savalimmiormiunit atorneqarnialerpoq, ukiunilu kingullerni marlunni pingasuniluunniit nunatsinni misilittakkat tunngavigalugit Norgemi suliniuteqartoqalersimalluni.
PAARISA-mi siunnersorti Berti Bourup ataatsimeersuarnermi peqataavoq, taannalu isumaqarpoq aanngajaarniutit akiorniarlugit qaammarsaanerit kommunimiit kommunimut assigiinnerusumik ingerlanneqartariaqartut:
- Qitiusuminngaanniit neriuutigaarput ajornartorsiutit illoqarfinni tamani oqaluuserineqassasut. Pingaartumik imigassap ajornartorsiutaanera. Ajornartorsiutittami annersaraat, aammalumi ikiaroornartoq. Berti Bourup oqarpoq, nangillunilu:- Nunani allatuulli uagut tassunga pisinnaavugut, taamaammat tamakku eqqartuleriissavagut, Berti Bourup oqarpoq, qaammarsaaniarnerillu tassunga atatillugu pingaarnerpaajusut oqaatigalugu:
