Paamiuni timersullammak toqqarpaat
Paamiuni timersullammattut toqqarneqarpoq arsaattartoq assammillu arsartartoq Kuluk Hermansen.
Toqqaaneq pivoq januarip arfernat timersortartut ulloqartinneqarmata nersornaatinillu agguaasuuvoq borgmester Asii Chemnitz Narup.
Kuluk Hermansen timersullammattut toqqarneqarpoq timersuutini ingerlatamini pimoorussilluinnarluni ingerlatsisuunini pillugu. Nersornaatisinerminilu check-imik 3.000 koruuninik aningaasartalimmik Kommuneqarfik Sermersuumit tunineqarpoq.
Siunissamut neriunaatilittut toqqarneqarpoq arsaattartoq Kent Jeremiassen toqqarneqarnermini 2.000 koruuninik aningaasartalimmik kommunemit checkinnattoq.
Sungiusaallammattut Paamiuni toqqarneqarpoq nerrivimmi arsaarartartut sungiusaasuat Lars Møller aamma 2.000 koruuninik aningaasartalimmik checkimik Kommuneqarfik Sermersuumit tunineqartoq.
Timersortartut ulluat naggaserlugu alutornaqisumik qummoroortartoqartoq Kommuneqarfik Sermersooq nittartakkamini ilisimatitsivoq.
