Paamiuni suliffissuup raajaleriffiup pisortaa Anders Andersen oqaluttuarpoq, suliffissuup ammaqqinneqarnera nuannaarutigisorujussuusimallugu.
- Suliaqarani nuanniissimaqaaq, sulisullu juulleriartulersoq angerlartinneqartariaqarsimanerat ajuusaarnarsimaqaluni. Sulisut aasap tungaanuugallartumik suliassaqartinneqaqqilermata nuannaaqaagut, suliffissuup pisortaa, Anders Andersen, oqarpoq.
Tunisassiakinnera pissutigalugu suliffissuup raajaleriffia decembarimi matuneqarsimagaluarpoq, tamannali ilorraap tungaanut ingerlasoq pisortap oqaatigaa.
- Pitsanngortoq oqarsinnaavugut, Avannaani Qeqertarsuup Tunuani sikunera pissutaalluni raajarniat kujasinnerusumi raajarniartalerput, taamaalilluni raajat qerisut Paamiuni suliarineqarsinnaalerlutik, suliffissuup pisortaa, Anders Andersen naggasiivoq.