Paamiuni inuussutissarsiorneq nukittorsarniarneqalerpoq
Paamiut Kommuniani Inuussutissarsiornermi pisortaq Kunnak Lorentzen ima oqarpoq:
Suliffeqarfiit piginneqatigiiffiat siunnerfigivarput. Taavalu kommunalbestyrelsip aningaasanik immikkoortitsineranut tunngaviuvoq, suliffeqarfik taanna aktieselskabiussappat minnerpaamik 500.000 –nik aningaasaateqariissagami, taavalu taanna tunngavigalugu affai kommunalbestyrelsiminngaanniit aningaasaliissutigineqasimapput piareersimapput taamaattumik aallartitsisoqarnissaanut.
- Suliffeqarfimmik nutaamik aallartitsiniarnermi suleqataasinnaassapput. Aammalu takorluugarput uaniippoq taamatut aallartitseriarnissamut aamma aningaasaleeqataasinnaassasoq.
- Pissanganartuuvoq soorunami siunissaq ungasinnerusoq eqqarsaatigalugu taanna pilersaarusiaq imaqartussaavoq pissusissamisoorpoq maannangaaq kattuteqatissat pilersaarusioqatigalugit ingerlanneqarnissaa.
Inunnguaq Petersen, Nuup Kommuniani Inuussutissarsiornermi Ingerlatsivimmi pisortaq, ilisimatitsivoq, kommunerujussuassami illoqarfiit inuussutissarsiornermi suliaat tamaasa katersorlugit ulluni makkunani ataqatigiissaarneqartut juulillu aallaqqaataata kingorna ikaarsaariarnermi ataatsimiititaliami oqaluuserineqarumaartut.
