Paamiuni inuit pingasut ikuallattoqarnerani ajunaartut
Paamiuni inissiaq ikuallarujussuarmat inuit pingasut ajunaarput.
Taama oqaluttuarpoq Kalaallit Nunaanni politiini pigaartoq Aqqalu Petersen.
Inissiami quleriuusumi sisamanik initalimmi ikuallattoqarnera unnuaq pingasunut qiteqqutilersoq nalunaarutigineqarpoq.
Inuit arlaqartut uutitersimanermi igalaakkullu pissinnermi kingorna ajoqusersimasut Paamiuni napparsimmavimmi uninngapput.
Taakkua qanoq ajoqusersimatiginerannik politiit paasissutissiingaarsinnaanngillat.
Ikuallattoq qaminneqarereepoq.
Ikuallanneq qanoq aallartissimanersoq paasiniarlugu, Nuummi Politiineersut Paamiuni Politiinut ikiuukkiartussapput.
Ikuallassimasunik paasiniaasartut toqusimasunillu misissuisartut Danmarkimeersut ikuallattup paasiniarluarnissaanut ikiuukkiartorlutik tikissapput. Ikuallagussaallutik ajunaartut ukiui suiaasusaallu politiinit oqaatigineqarsinnaanngikkallartut Aqqalu Petersen paasissutissiivoq.
Pisoq KNR-imit malinnaavigineqassaaq.