Paamiuni inuit 30-t suliffissaarutissapput!

Paamiut Nuullu eqqaani sinerissap qanittuani saattuartassat 1.718 tonsiusimapput. Septemberip 15 –ani tamaani saattuat 1.704 tons –it pisarineqareersimapput. Taamattumik aalisarnermut Pisortaqarfiup tamaani saattuarniarneq aqagummiit unitsippaa.

- Sulisugut 30 –it allamik inuussutissarsiuteqarnissaminnut periarfissaqangillat, tassalu allatut ajornartumik suliffissaarutissapput, Paamiuni Tunitsiviup pisortaanera Arvid Burhkal oqarpoq. Suliffeqarfik taanna ukiuni arfineq marlunni, nammineq umiarsuarmik saattussanik tulaassuiveqarluni Paamiuni atavoq.

Royal Greenland aamma saattussanik tunisassiortarpoq, tassanilu sulisut 25 –it aamma eqqorneqassapput.

-Sulisugut taakku siunissami aggersumi sulerisilissanerlugit naluara, immaqa ukiup naannginnerani pikkorissartinneqarsinnaapput, Royal Greenland –ip pisortaanera Henrik Leth oqarpoq.

Aalisartut annerusumik minnerusumilluunniit aamma eqqorneqartussanut ilaapput, tamaani umiatsiaat 19 –it saattuarniarlutik aalisarmata.

- Paamiut Kommunia suliffissaaleqisunut taama amerlatigisunut aningaasatigut ikiuutissalluni missingersuusiorsimanngilaq, taamaaattumik Pinngortitaleriffimmut Aalisarnermullu Pisortaqarfimmut saaffiginnippugut, immikkut pisasseeqqeqqullugit, Paamiut kommuniani Inunnik Isumaginninnermi ataatsimiititaliap siulittaasua Tiiooq Knudsen oqarpoq.

Aammattaaq Tunitsivik Paamiut aammalu KNAPK Pinngortitaleriffimmut Aalisarnermullu Pisortaqarfimmut saaffiginnipput,Paamiut eqqaani saattuarniarnerup sivitsorneqarnissaanik qinnuteqarlutik.

- Paamiut avannaani ima saattuaqartigaaq aalisarneqarnerat sivitsorneqaraluarpat peqassusianut ajornartorsiutaassanani, Tunnitsiviup Paamiuni pisortaa, ukiut pingajuata affaani saattussat sumiinnerannik nalunaarsuillunilu aalisaqataasartoq, Arvid Burhkal naliliivoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat