Paakitsoq nunaqarfeeranngortinneqarpoq
Suliffiutigaluni najugaqarfissaq, kantiinalik, sannavilik, quersualik betoniliorfilillu, innaallagissamik imermillu pilersorneqartoq kiisalu internetteqarlunilu oqarasuaateqartinneqartoq pilersinneqarsimasoq, Nukissiorfiit nittakkamini allappoq.
Erngup nukinganik nukissiuutiliornermi suleqataasussanit 90-iusunit 60-it suliffiutigaluni najuqarfissamut isertereersimapput.
Nukissiorfiit ilanngullugu ilisimatitsissutigaat sullorsualiassanut aqquserniorneq, Ilulissallu tungaannut innaallagissap aqqutaanut atugassanik toqqaliviorneq aamma ingerlanneqarlualereersut.
Sisimiuni erngup nukinganik innaallagissiorfiup sanaartorneqarnerani atortut ilarpassui Paakitsumi atorneqaqqissimapput, atortussallu allat Europamit tikisinneqarsimallutik.
Nukissiorfiit naatsorsuutigaat erngup nukinganik nukissiorfissap turbine siulleq atorlugu innaallagissamik pilersuineq siulleq 2012-imi novemberimi pisinnaassasoq, tamakkiisumillu pilersuilersinnaassasoq 2013-imi.
