Ottawami immikkoortortaqarfittaassapput
Anguniarneqarpoq inissiamik inunnut 50-inut naammattumik sanaartortoqarnissaa, katersortarfeqalernissaa immaqalu neriniartarfeeraqalernissaa, tuttup neqaanik mamarnerpaamik tuniniaaffiusinnaasumik.
Naggueqativut Ottawami najugallit 1500-t missaaniipput amerlassuseqarput, taamaalilluni Ottawa Canadap kujasissuani naggueqatitsinnik inoqarnerpaajulluni.
Inuit ilaat Canadap kujasissuanut nuuttarput nakorsartikkiartorlutik, suliartorlutik imaluunniit atuariartorlutik. Amerlasuulli kujammut nuuttariaqartarput, avannaani inissaaleqineq pissutigalugu.
Nunatsiami naalakkersuisuusimasoq, Jack Anawak, nassuiaavoq naggueqatigut kujammut nukkaangamik kiserliortartut.
Ataatsimiinnerup tulliani illoqarfissuup immikkoortortassaanik Little Nunavumik taasamik sanaartotoqarnissaata aningaasalerneqarnissaa eqqartussamaarpaat. Nuna tamakkerlugu naalakkersuisuisut 300 millioni dollarsinik immikkoortitsimagaluarput, nunap inoqqaavi reservatit qimallugit najugallit ikiorserniarlugit. Pilersaarusiortulli nalugallarpaat aningaasat taakku ilaannik qinnuteqaateqarsinnaanerlutik. Maannamut pilersaaruterpassuaqaraluarput, aningaasassaqartinnagilli.
