Ostermann Naalakkersuisut immikkut siunnersortissaasa siullersaattut atorfinitsinneqarpoq

Kaajallaasitami nutaami Naalakkersuisut siulittaasuata naalakkersuisoqarfia immikkut siunnersortinik arlalinnik atorfinitsitsisinnaalerpoq, naalakkersuisut sinneri tamarmik immikkut ataatsimik atorfinitsitsisinnaallutik.

Tassungalu atatillugu eqqaasinnaavarput immikkut siunnersortissaq siulleq toqqarneqarsimammat.

Aalisarnermut, Piniarnermut, Nunalerinermullu Naalakkersuisoq, 2014-imi januaarip aappaanit atuutilersumik Tom Ostermann immikkut siunnersortissamitut atorfinitsippaa. Tom Ostermann 46-nik ukioqarpoq politiitullu ilinniagaqarluni, aammalu Naalakkersuisut siulittaasuat aapparalugu. Ilaatigut politiini aqutsisutut ilinniagaqarsimavoq, Mittarfeqarfinni aqutsisussatut ilinniagaqarsimalluni, Kalaallit Nunaanni Eqqartuussivimmi illersuisutut, Qaasuitsup Kommuniani inuussutissarsiornermi- aamma takornariartitsinermut siunnersortitut aamma Royal Greenlandimi aalisartunut aamma tuniniaanermi siunnersortitut atorfeqarsimalluni.

- Misigigama suliaminik suliarilluaasartuussutsi ersersikkaa aamma sullissillaqqissuunera minnerunngitsumillu angusaqarusussusermik anguniagaqartuunera aamma akisussaaffimminik ilisimaarinnilluartuunera. Tamatuma saniatigut Tom misilittagaqarpoq sinerissap qanittuani aalisarnermik ineriartortitseqqiinernut aamma aningaasalersuisinnaanernut tunngasutigut tassani inuttut namminerisamik siunnersorteqarfimmik ingerlatsisuusimanerminik misilittagaqartuummat, Aalisarnermut, Piniarnermut Nunalerinermullu Naalakkersuisoq Karl Lyberth atoprfinitsitsinermut tunngatillugu taama oqarpoq.

Immikkut siunnersortit allaffimmi pisortatut akissarsiaqartinneqassapput.