Oslomi politiit ambulancenik aporaasoqareernerani angummik suli ujaasisut

Angut sakkulisartoq Oslomik ambulancemik qimarngussivoq.
Ambulace Åsengatami Torshovimit tillinneqarpoq. Inuit qassiusut aportipput. Assi © : Scanpix
Allattoq Ritzau
oktobarip 22-at 2019 10:54

Inuit qassiiusut – matumani qaammatinik arfineq-marlunnik ukioqartut marlulissat – ambulancenit Oslomi tillinneqarsimasunit marlunngornermi aporneqarput.

Angutip sakkulisartup ambulancet tillissimagai taannalu tigusarineqarsimasoq politiit uppernarsarpaat. Tamatumali kingunitsiannguani ambulance angutinit marlunnit tillinneqarsimasoq oqartussat VG-mut ilisimatitsissutigaat, angutillu aappaa suli tigusarineqanngilaq.

- Inummik ataatsimik suli ujaasivugut, politiit VG-mut oqarput.

Angut ataaseq tigusarineqarpoq, ambulancelu tillinneqarsimasoq tigusimallutigu, politiit Twitterikkut allapput.

Politiit ambulancet tungaanut aallaasimallutik Twitterikkut aamma allaaseraat.

- Pinerluttoq ikililaarneqarpoq, Twitterikkut tweetsigaanni allassimavoq.

Meeraq napparsimmaviliaanneqarsimasut politiit oqaatigaat.

- Politiit tigusarinninniarnerminni qulimiguulimmik politiinillu pissaaneqarnerusunik atuipput. Qanoq ajoqusiisoqartigisimanersoq suli erseqqarinngitsoq, politiit allapput.

Ambulace Åsengatami Torshovimit tiguneqarpoq.

Nutaarsiassaqartitsiviup NRK-p aporneqarsimasut qassiiusut oqaloqatigai. Ambulancep aqqusinermi allagartaq aamma aporpaa.

Politiit ambulancep qassiiusunik aporaareerluni ingerlanerani unitsitsiniaanerminni assakaasuinut eqqarsimasut Norgemi tusagassiorfiit allaaseraat.

Politiit qimmeqartartut allallu marluk pingasut ambulance tungaanut eqqalersimasut takunnittup VG oqaatigaa.

- Inuit sumiiffimmiittut biilit uninngasut tunuinnut porrapput, takunnittoq oqarpoq, ilanngullugu politiit biilii pingasut ajoqusingaatsiarsimagunartut oqaatigalugu.