Oscarinnanniunneq KNR2-kkut
Pulaartoqarluni aallakaatitsisartoq Jimmy Kimmel isiginnaartitsisarfissuarmi Dolby Theatremi aqutsisuussaaq.
Filmi 'La La Land', Ryan Goslingimik Emma Stonemillu pingaarnertut inuttalik, 14-inik Oscarinnattussatut ukioq manna innersuunneqarnermigut filmiliani innersuunneqarnerpaavoq.
Filmi 'Titanic' aamma taama amerlatigisunik 1997-imi innersuunneqarpoq, aqqanilinnillu Oscarinnalluni.
Danskit sorsunnerup kingorna pisimasuutillugu filmiliaat 'Under sandet' Aske Bangillu filmiliaa naatsoq 'Silent Nights' immikkut Oscarinnattussatut aamma innersuunneqarput.
Oscarinik agguaaneq nalunaaqutaq unnugu aqqanermut qiteqquppat aallartissaaq.
Ammaanersiorneq KNR2-kkut nalunaaqutaq 18:55-imiit malinnaavigisinnaavat, tassanilu 'Silent Nights' ilaatigut takutinneqassalluni.